سمك مقلي ورز صيادية بطريقة فاطمة أبو حاتي

طريقة عمل وتحضير كبدة ومخ وكلاوي بطريقة سهلة ولذيذة

كبده ومخ وكلاوي
ناس كتير مفكرة ان الكلاوي بتتعمل مع الكبدة .. هقولك بقى ان شاء الله ليه لازم تخلي الجزار يحطلك الكبدة لوحدها والكلاوي لوحدها
وهقولك تعمليهم ازاي كانك بتاكليهم من محل كبده اصلي
و التسويه المظبوطه لكل حاجه فيهم تابعوني..... 

ال٣ تتبيلتهم واحده

تسويتهم مش واحده
الكبده البلدي مابتتغسلش بتتطبخ بدمها والله
وانتي بتشتري من الجزار خليه يفصل لك الكبد عن الكلاوي عشان لكل حاجه فيهم تسويه مختلفه عن التانيه
عشان كده الناس اللي بتطبخهم مع بعض في طاسه ولا حله واحده بيبقي تسويتهم مش مظبوطه لان الكبده بتستوي قبل الكلاوي ولما بتسيبي الطبخه ع النار زياده عشان الكلاوي هتلاقي الكبده بتشد بعد ما استوت
يبقي من الأفضل تفصليهم وتسوي كل حاجه لوحدها

نبدأ بقي التتبيلة 

هتثبتيها ف الكبده والكلاوي والمخ

• عباره عن ٤ فصوص توم كبار  
• قرنين من الفلفل الحامي 
• معلقه ونص كبار ملح 
• ومعلقتين كمون 
•  ونص معلقه وبابريكا 
• ونص معلقه كاري دي اللي بتخلي التتبيله طعمها مميز معلقتين كبار زيت وعصير ليمونه 

هنقطع الكبده شرائح طويله وماتغسليهاش وتتبليها بالتتبيله دي
تسيبيها تقريبا ساعتين
ف طاسه سخنه هنحط شويه زبده علي زيت تسخن جدا وننزل بالكبده وعليها شرائح فلفل. ونفضل نقلب نغطي عليها علي نار هاديه يتستوي ف نص ساعه دي بتبقي زي كبده المحلات طبعا عاوزه تضيفي بصل للناس اللي بتحبه براحتك
وقرب ما الكبده تستوي يتضيفي شويه طماطم قطع.. 

الكلاوي هتتييلها بنفس التتبيلة وتقطع بصل جوليان هتنزل بالكلاوي الاول ف طاسه فيها زبده سخنه علي زيت ونشوح تقريبا ٥ دقائق بعد كده ننزل بالبصل والفلفل ونقلب كتير هنهدي النار ونقفل طاسه بالغطاء الكلاوي تاخد تقريبا ساعه الا ربع تسويه. 
المخ بقي هنسقطه الاول ف مايه مغليه جدا نسيبه يتسلق ١٠ دقائق نطلعه من النار علي مايه متاحه عشان تقفل الانسجه بتاعه المخ ويبقي سهل نقطعه مربعات
هنقطع المخ مربعات ونحطه ف التتبيلة اللي فوق
تبلناه ساعتين
بعدين هنجهز الcover الي هيغلف المخ قبل ما نقليه عباره علي ٤ معالق دقيق عليهم معلقتين نشا بيضه ملح وفلفل اسمر وفرقه ما ونزود مايه ونقلب لغايه ما تعمل عجينه سائله نسقط فيها المخ ومنه جوالزيت السخن جدا ونصفيها
وياريت تحطي معلقه كبيره خل ف زيت القلي عشان المخ ما يشربش زيت. 

وبألف هنا 😍

اذا أعجبتكم الوصفة لا تنسوا الاشتراك في موقعنا ليصلكم كل جديد من وصفاتنا وابداء ارائكم ونصائحكم بترك تعليق .. وشكراً.